Apni chaandni se raah dikhaata hua chaand, Zindagi ke andheron mein roshni ki aik kiran…
Aik lamhe ne jeena sikhaya,
Aik lamhe ne zinda rehna sikhaya,
Qadam qadam pe is duniya ne,
Sab ke saath rehte huey akele rehna sikhaya,
Har saans har dharkan mein aik hi aas thi,
Aik ehsaas ki khwaahish thi,
Ji ji ke humein zindagi ne sikhaya,
Mar mar ke humein jeena sikhaya,
Apne zinda hone ka ehsaas dilaya,
Apne hone ka ehsaas dilaya…
- Kashif Malim
